Practicar mate

EHU – 2002ko uztaila – A1 ariketa Jonek eta Kepak 12000 euro bana inbertitu dute. Jonek A kopurua %4ko interesa (urtekoa) ematen duen tokian jarri du, B kopurua %5ekoan eta gainontzeko C kopurua %6koan. Kepak, aldiz, A kopurua %5eko interesean, B kopurua %6koan eta C kopurua %4koan inbertitu ditu. Aurkitu A, B eta C kopuruak, Jonek jasotzen dituen urteko interesak 630 euro eta Kepak jasotzen dituenak 570 euro direla jakinik.

EHU – 2003ko ekaina – A1 ariketa Txokolate-mota jakin baten fabrikazioan esnea, kakaoa eta arbendolak erabiltzen dira, esnekantitatea kakao eta arbendola-kantitateen baturaren bikoitza izanik. Osagai bakoitzaren prezioa kilogramoko ondokoa da: esnea, 0,8 euro; kakaoa, 4 euro; arbendolak, 13 euro. Egun bakar batean txokolate horren 9000 kilo egiten dira, kostu totala 25800 euro izanik. Osagai bakoitzeko zenbat kilogramo erabiltzen dira?

EHU – 2004ko uztaila – A1 ariketa Enpresa batek 73000 euro inbertitu ditu hiru motako (A, B eta C) ordenagailu eramangarrien erosketan. Ordenagailuen unitateko kostua 2400 euro, 1200 euro eta 1000 euro da hurrenez hurren. Enpresak guztira 55 ordenagailu erosi dituela eta A eta B motako ordenagailuetan egindako inbertsioa berdina izan dela jakinik, zehaztu mota bakoitzeko zenbat ordenagailu erosi diren.

EHU – 2000ko uztaila – A1 ariketa 24 litroko kapazitatea duen ontzi bat dugu eta hiru neurri, A, B eta C. A neurriaren bolumena B-renaren bikoitza dela, hiru neurrien artean ontzia betetzen dutela eta, horrez gain, lehenengo biek ontzia erdiraino betetzen dutela jakinez gero, zein kapazitate dauka neurri bakoitzak?